Coripharma í Hafnarfirði leitar að jákvæðum og ábyrgðarfullum einstaklingi í teymi í pökkunardeild á framleiðslussviði. Við leitum að einstaklingum sem geta unnið sjálfstætt jafnt sem í teymi.
Í pökkunardeild er töflum og hylkjum pakkað í glös og þynnur samkvæmt ströngustu gæðakröfum. Mikið er um sérhæfðar vélar og búnað sem pakkar töflum/hylkjum í viðeigandi umbúðir.
Um er að ræða vaktavinnu á þrískiptum vöktum, þar sem unnið er á dag-, kvöld- og næturvöktum, frá mánudegi til föstudags.

Helstu verkefni og ábyrgð

• Vélamaður í pökkun ber ábyrgð á stillingum og uppsetningu véla á milli pökkunarlota
• Tekur virkan þátt í þróun ferla, meðferð íhluta og varðveislu þeirra
• Teymisvinna og stuðningur við lyfjapökkun

Menntunar- og hæfniskröfur

• Menntun og reynsla sem nýtist í starfi, iðnmenntun er kostur
• Þekking á framleiðslu eða sambærilegum iðnaði er kostur
• Reynsla af vinnu við flókinn vélbúnað er kostur
• Hæfni til að tileinka sér virkni flókins vélbúnaðar
• Vandvirkni og nákvæmni í starfi
• Góð samskiptahæfni og jákvætt viðmót
• Stundvísi, heiðarleiki og sjálfstæði í starfi
• Góð enskukunnátta

Fríðindi

• Mötuneyti

Coripharma er íslenskt nýsköpunarfyrirtæki með um 230 starfsmenn sem byggir á traustum grunni lyfjaþróunar og framleiðslu á Íslandi. Félagið sérhæfir sig í þróun, framleiðslu og útflutningi samheitalyfja ásamt því að sinna verktökuframleiðslu fyrir önnur lyfjafyrirtæki. 
Frá því að félagið hóf starfsemi árið 2018 hefur það hafið framleiðslu á 22 lyfjum og er með 21 nýtt lyf í þróun. Nánari upplýsingar um Coripharma má finna á www.coripharma.is 

Með umsókn skal fylgja ferilskrá og kynningarbréf, þar sem gerð er grein fyrir ástæðu umsóknar og hæfni viðkomandi til að gegna starfinu rökstudd.